O Castelo de Moeche primeiro escenario do proxecto “Reino de Galicia á escena”

O Castelo de Moeche será o primeiro escenario en acoller a festa de teatro e historia Reino de Galicia á Escena, proxecto gañador dos “III Fondos de Proxectos Culturais Reino de Galicia”, da área de Cultura da Deputación da Coruña

Reino de Galicia á Escena é un festival histórico-teatral itinerante que se celebra en diferentes espazos históricos de Galiza, como o Castelo de Moeche.  O vindeiro 5 de setembro, ás 20.45 h, a troupe de cómicos da compañia de teatro Galeatro visitarán o castelo de Moeche cunha ruta teatralizada que finalizará co espectáculo Arte Sen Guión .

Este proxecto que a Area de Cultura da Deputación da Coruña no agasalla, “Reino de Galicia á escena”,  nace con vocación ambulante, e tralo seu comezo en Moeche trasladarase ao concello Mesía.

Unha festa de teatro e historia, da nosa historia, nuns escenarios incríbeis.
Agardamos por ti!!!

📍05/09 no Castelo de Concello de Moeche ás 20:45.   Unha vez iniciado o espectáculo non se permitirá o acceso.
🎟️ Entrada de balde ata completar a capacidade do espazo por orde de chegada, prazas limitadas.