A unidade móbil da inspección técnica de vehículos agrícolas volverá a Moeche na última semana de febreiro. Os dias seleccionados son o 24 e 25 e a estación móbil situarase no lugar habitual, no recinto feiral de San Ramón. Os horarios de atención poden consultarse xa na web www.sycitv.com. Débese solicitar cita previa a través desa web ou chamando ao 902 309 000.
A inspección técnica de vehículos agrícolas ten previsto estar en Moeche o 24 e 25 de febreiro, en horario de 9:00 a 13:30 horas e de 15:15 a 18:00 horas. Quen non consiga vez para ningún deses dous días pode probar a solicitala nas localidades máis próximas, ben para o 3 ou o 4 de Marzo no Paseo Parque Concello, nas Somozas, ben para o 26 de febreiro ou 2 de marzo en Cerdido, no Campo da Feira na Barqueira, ou para o 23 de febreiro, en Santa Mariña do Monte, concello de San Sadurniño ou 20 de febreiro na Estación de Servicio Cooperativa Vilaboa, concello de Valdoviño..
As citas hai que pedilas a través da web www.sycitv.com ou chamando ao 902 309 000.
Prégaselles ás persoas usuarias a máxima puntualidade para evitar demoras innecesarias. É importante, ademais, levar toda a documentación requirida: permiso de circulación, o certificado de características técnicas do vehículo, a tarxeta da inspección técnica e o recibo do seguro.
A empresa concesionaria informa de que a admisión de vehículos con características particulares estará a condicionada á posibilidade de realizar as operacións de inspección regulamentaria.
Desde o Concello editouse o correspondente bando da Alcaldía coa información referida a data, horarios e forma de solicitar cita previa.
Últimos comentarios