Aberto o prazo das axudas 2025 ao ensino e transporte con novas subas nos diferentes tramos.

As axudas ao transporte e ao estudos da anualidade 2025 soben de novo as cantidades asignadas aos diferentes niveis. Dependendo do curso no que se teña matrícula, do nivel de renda per cápita da unidade familiar e, de ser o caso, da distancia á que se atope o centro de ensino, a axuda poderá chegar até os 725 euros por alumno ou alumna.

O prazo de solicitude será de 15 días hábiles, a contar desde o día seguinte da data de publicación – 17 de febreiro- do extracto das bases na web Sistema Nacional de Subvencións. As bases íntegras das axudas municipais poden consultarse no Bop núm. 24 . A información e o enlace co contido da convocatoria  fíxose chegar desde o Concello ao centro de ensino co fin de transmitilo directamente a cada familia.

Un dato importante que se debe ter en conta é o de cales son os máximos de renda familiar que permiten acollerse á convocatoria. Nas bases establécense dous tramos de axuda: un para familias que non superen os 8.000 euros de renda per cápita e outro para aquelas familias que estean entre os 8.000 e os 10.000 euros de renda por cabeza, que é o tope máximo para poder beneficiarse das achegas municipais.

Para o actual curso escolar volve haber dúas liñas, compatibles con bolsas ou axudas similares concedidas por outras administracións. A primeira liña correspóndese coa das axudas para actividades relacionadas coa formación, dirixidas a alumnado matriculado no CEIP San Ramón ou que curse ESO, Bacharelato, FP, estudos universitarios -agás posgraos- ou mesmo ensinanzas superiores de tipo artístico en calquera centro público. A este apartado das bolsas tamén poderán acceder aquelas alumnas e alumnos con necesidades educativas especiais que deban acudir a un centro fóra de Moeche. Os importes das axudas ao estudo van desde os 200 até os 400€, dependendo dos niveis de renda e dos estudos cursados:

A segunda liña son as axudas para desprazarse estudar fóra do municipio, cuxa concesión se relaciona tamén cos niveis de renda per cápita e coa distancia á que se encontre o centro de ensino. Se se cumpren os requisitos as axudas poderán ir dos 175€ ata os 325€, tal e como se describe no seguinte cadro:

Ambas liñas de axuda municipais tamén son compatibles entre si, de modo que, por exemplo, unha rapaza ou rapaz que curse estudos universitarios a máis de 100 quilómetros de Moeche e que se axuste ao tramo de renda máis baixo, podería percibir ata 725 euros de axuda municipal, o que vén supoñer uns 175 € máis tras a suba consecutiva dos dous pasados anos.

O prazo de presentación de solicitudes será de 15 días hábiles contados a partir do día seguinte á publicación do extracto da convocatoria na Base de Datos do Sistema Nacional de Subvencións, é dicir, do 18 de febreiro ao 11 de marzo

O trámite poderá facerse presencialmente nas oficinas municipais, a través da Sede Electrónica ou por calquera dos outros medios admitidos na normativa de relación coas Administracións públicas. Para calquera dúbida sobre as bases, os requisitos ou os prazos pódese chamar ao Concello -981 404 006- ou mandar unha mensaxe a correo@moeche.gal.

As bases completas e os anexos que haberá que presentar poden consultarse neste enlace

Convocatoria BNDS