Co fin de frear a deterioración do local social de Casabranca execútanse obras no tellado e a na primeira planta
O local social de Casabranca (antiga biblioteca) deixou de acoller a biblioteca municipal xa no 2015 , trasladada á Casa do Concello, e destínase desde o 2016 a actividades culturais e deportivas- ali impártense desde aquela as clases de Pilates (primera planta) , o obradoiro de bordado (planta baixa)- e ao tempo distribuíronse mediante convenio espazos para a ANPA do CEIP San Ramón e para PromaMoeche.
Dada a deterioración do local nos últimos anos, este verán estante a executar as primeiras obras de mellora. Remataron xa o pasado mes de xullo as tarefas do tellado e canalóns – executadas por unha empresa de albanelería do municipio- que estaban a causar goteiras na primeira planta, e agora comeza a colocación de tarima na primeira planta – co fin de ofrecer un mellor espazo para as clases de Pilates- , a cargo dunha empresa de carpintería local.
Ao programa de mellora de acondicionamento dos locais socioculturais municipais iniciado no 2016 polo Concello, súmase o local social de Abade coa instalación da calefacción – xa rematada- e o adecentamento do interior coa instalación de cortinas e pintado de paredes e aparcadoiro exterior.
Últimos comentarios