Aprobación do Plan normativo anual do Concello de Moeche, 2018.
O Pleno en sesión ordinaria de data 15 de febreiro de 2018 aprobou o expediente de aprobación do Plan Anual Normativo deste Concello e publícase co fin de que estea a disposición das persoas interesadas. A nova lexislación de carácter estatal require que os Concellos e todas as administracións públicas que desexen modificar, derrogar ou creara novas ordenanza ou regulamentos quedan obrigados de aprobar e publicar anualmente no portal de transparencia un “plan normativo” que conteña todas as iniciativas normativas que se pretendan aprobar no ano seguinte. O documento proposto polo Goberno municipal recolle unha exposición de motivos, a relación de regulamentos e ordenanzas obxecto de revisión e modificación, a relación de regulamentos/ordenanzas de nova creación así como a programación temporal estimada de execución do plan.
A Lei 39/2015, do 1 de outubro, do procedemento administrativo común das administracións públicas establece a obriga para todas as administracións públicas de aprobaren e publicaren anualmente no portal de transparencia un “plan normativo” que conteña todas as iniciativas normativas que se pretendan aprobar no ano seguinte:
Así mesmo, a Disposición derradeira quinta da Lei 39/2015, do 1 de outubro, do procedemento administrativo común das administracións públicas, establece que no prazo máximo de un ano dende a entrada en vigor da Lei (2/10/2016), deberanse adecuar a esta as normas reguladoras dos distintos procedementos que sexan incompatibles con esta lei:
Tras consultar ás diferentes áreas municipais e coas persoas titulares das Concellerías-Delegadas, formuláronse e trasladáronse as súas propostas regulamentarias, de acordo coas demandas e necesidades de mellora e implentación de regulacións máis favorábeis para a veciñanza propúxose que fosen obxecto de revisión e modificación ou derrogación os seguintes regulamentos e ordenanzas
-
Ordenanza reguladora da tenencia de animais potencialmente perigosos
-
Ordenanza xeral de subvencións
-
Regulamento de protocolo
-
Regulamento de distincións honoríficas
-
Ordenanza reguladora do prezo público por ocupación do dominio público local con venda ambulante
-
Modificación da Taxa pola prestación do servizo de subministración de auga a domicilio
-
Ordenanza reguladora do imposto sobre vehículos de tracción mecánica.
III. Relación de regulamentos/ordenanzas de nova creación.
-
Ordenanza reguladora da protección dos camiños e vías públicas municipais en relación cos traballos forestais e similares.
-
Ordenanza Reguladora do prezo público polo servizo de limpeza de terreos e predios.
-
Ordenanza municipal reguladora das feiras e de venda ambulante ou non sedentaria.
-
Regulamento municipal do Mercado de Moeche.
-
Regulamento de participación cidadá.
-
Ordenanza para o uso social da lingua galega.
-
Regulamento orgánico municipal.
Unha vez que se fagan as consultas previas á cidadanía, seguirase o procedemento establecido na lei, dándolle prioridade a aprobación das modificacións que foron propostas e aprobadas pola Corporación Municipal.
Documento plan normativo anual https://moeche.gal/wp-content/uploads/2018/03/anuncio-plan-normativo.pdf
Últimos comentarios