O Concello de Moeche pon en marcha un ano máis o campamento de verán Sementeira, un programa de actividades lúdicas e educativas dirixido a nenas e nenos de entre 3 e 12 anos, pensado para axudar as familias na conciliación da vida persoal, familiar e laboral durante os meses de xullo e agosto.
Prazo de inscrición para xullo (e reserva para agosto): do 8 ao 17 de xuño, de luns a venres de 9.00 a 14.00 horas na Casa do Concello ou a través da Sede Electrónica en moeche.gal.
O campamento terá como base o Pavillón Polideportivo de San Ramón e incluirá saídas a diferentes espazos do municipio: o castelo, a área recreativa de Souto Grande, a piscina, as pistas deportivas e outros.
Horarios e prezos mensuais:
| 8.00–15.00 h | 10.00–14.00 h | |
| 1º membro | 90€ | 80€ |
| 2º irmán/irmá | 70€ | 60€ |
| 3º irmán/irmá | 50€ | 40€ |
Este ano, Sementeira ofrece tamén a posibilidade de servizo os días festivos (25 de xullo e 15 de agosto) e o último fin de semana de agosto (sábado 29 e domingo 30), cun custo de 25 € o primeiro membro (20 € e 15 € para irmáns/irmás). Para que se realicen estas sesións será necesario un mínimo de 10 participantes.
Terán preferencia na adxudicación de prazas o alumnado do CEIP San Ramón e as familias empadroadas en Moeche.
Para máis información: Casa do Concello de Moeche, de luns a venres de 9.00 a 14.00 horas.
Descarga os formularios en formato editable:
Últimos comentarios