No mes de outubro o Concello de Moeche porá en marcha de novo as distintas escolas municipais cun amplo abano de propostas deportivas e culturais para todas as idades. O prazo de inscrición estará aberto desde o 30 de setembro para as deportivas e desde o 23 de setembro para as culturais. A inscrición deberase facer a través da Sede Electrónica ou presencialmente na Casa do Concello en horario de 9:00 a 14:00h de luns a venres. As escolas irán comezando na semana do 7.
Nas escolas municipais deportivas poderemos practicar até o mes de maio exercicios de mantemento suaves ou aplicarnos máis a fondo con pilates, spinning ou circuítos de forza. Ademais, para a xente miúda e a mocidade regresan as actividades gratuítas dirixidas principalmente ao alumnado do CEIP San Ramón, como son a patinaxe, o tenis e o atletismo. Este novo curso as escolas deportivas teñen unha nova actividade, xadrez , tanto para menores como para persoas adultas.
Para que as escolas vaian adiante farán falla grupos mínimos e os horarios poden variar dependendo da demanda. As prazas dispoñibles, que son limitadas, irán asignándose por orde de petición dándolle prioridade á veciñanza de Moeche e a aquelas persoas que asistisen ao curso completo na temporada 2024/2025. As actividades extraescolares deportivas para a rapazada serán de balde mentres que as das persoas adultas rexeranse polos prezos públicos marcados na ordenanza reguladora nº 16.. As escolas culturais réxense todas, infantís e mairores, pola correspondentes ordenanza núm.20 , agás a actividade de obradoiro de memoria , da área de Benestar Social.
As prazas asignaranse por orde de inscrición e crearase unha lista de agardas para cubrir as baixas e faltas de asistencias continuadas. Terán preferencia en todas as actividades as persoas empadroadas no Concello de Moeche e o alumnado que participou no curso pasado completo. En determinadas modalidades deportivas establécese un número limitado de prazas: spinning; 12; patinaxe iniciación:12; resto de actividades : 15.
ESCOLAS DEPORTIVAS ADULT@S
|
Actividades deportivas para persoas adultas |
Días |
Horarios |
Lugar |
Prezo |
|
Exercicio saudable Maiores+ |
luns, martes e xoves |
17:00 a 17:50h |
Local social Abade |
Ver prezos nas fichas de inscrición e bonificacións Ordenanza reguladora actividades deportivas |
|
18:10 a 19:00h |
Pavillón Municipal |
|||
|
Pilates |
mércores e venres |
10:00 a 11:00h |
Local social de Abade |
|
|
luns e xoves |
19:10 a 20:00h |
Pavillón municipal |
||
|
martes |
20:10 a 21:00h |
|||
|
Adestramento funcional (circuítos de forza, aeróbicos, core…) |
martes |
19:10 a 20:00h |
||
|
Spinning |
luns e xoves |
20:10 a 21:00h |
|
Xadrez adult@s |
mércores |
16.50 a 17.50h |
Determinarase en función do numero de persoas inscritas |
12€ |
ESCOLAS DEPORTIVASINFANTÍS
|
Actividades deportivas para a rapazada |
Días |
Horarios |
Lugar |
Prezo |
|
Iniciación á patinaxe (4 a 7 anos) |
luns |
15:45 a 16:45h |
Pavillón Municipal *Xadrez no CEIP San Ramón |
GRATUÍTAS |
|
Xadrez (6 a 12 anos) |
mércores |
|||
|
Atletismo (6 a 12 anos) |
xoves |
|||
|
Iniciación ao tenis (5 a 8 anos) |
martes |
|||
|
Perfeccionamento tenis (9 a 18 anos) |
martes |
17:00 a 17:50h |
Inscrición escolas deportivas
As inscricións nas escolas deportivas poderán facerse desde o 30 de setembro través da Sede Electrónica ou presencialmente na Casa do Concello en horario de 9:00 a 14:00h de luns a venres. As peticións tamén se atenderán por orde de entrada das solicitudes.
Información no tfno 881 820109 ou 981 404006 ou pódese solicitar no correo daniel.feijoo@moechegal
ESCOLAS MUNICIPAIS CULTURAIS. Xornadas de portas abertas no teatro infantil
As escolas culturais municipais ofrecen este novo curso:
|
Actividade |
Día |
Hora |
Lugar | Prezo |
|
Teatro adultos |
xoves |
20 a 22.00h |
Centro Cultural Frco. Piñeiro (Abade) | 12€* |
|
Teatro infantil (6 a 12 anos) |
venres |
15.45 a 16.45h |
CEIP San Ramón | 10€
(outubro portas abertas) |
|
Obradoiro de memoria (+60 anos) |
Venres |
16.00 a 19.00 |
Casa do Concello | gratuíto |
-
De acordo coa ordenanza municipal reguladora de actividades culturais, establécese unha matrícula para o teatro de adultos por importe de 50% dunha mensualidade, do 45% no caso de matrícula en dúas actividades e do 30% , no caso de matrícula en tres actividades.
A Escola Municipal de Teatro, dirixida por Pepablo Patiño, abre novamente a posibilidade da formación dun grupo infantil con idades comprendidas entre os 6 e os 12 anos. No caso do teatro infantil é unha actividade ofrecida polo Concello en colaboración coa ANPA do CEIP San Ramón e co obxectivo de dar coñecer esta actividade durante o mes de outubro será de PORTAS ABERTAS, de xeito que a rapazada teña a posibilidade de probar antes de anotarse nesta entretida e divertida actividade.
O Obradoiro de Memoria é unha das actividades tradicionais das escolas culturais; unha actividade que se organiza desde as concellerías de Cultura e de Benestar Social, no marco das políticas sociais activas. Dirixido ás persoas maiores de 60 anos , todos os venres de 16.00 a 19.00 h na Casa do Concello. Nesta actividade realízanse tarefas de debuxo, coñecemento, canto, escrita, historia, etc, accións diversas co fin de manter un envellecemento activo.
Inscrición escolas culturais
As inscricións nas escolas culturais poderán facerse desde o 23 de setembro a través da Sede Electrónica (formularios para descargar ao final da noticia) ou presencialmente na Casa do Concello en horario de 9:00 a 14:00h de luns a venres. As peticións tamén se atenderán por orde de entrada das solicitudes. Tanto para o teatro -de persoas adultas e de rapazada- como para o obradoiro de memoria falla grupos mínimos de 8 persoas de cara a soster as actividades durante todo o curso. As escolas culturais iniciarán a semana do 7 de outubro.
Información de escolas culturais no tfno. 881 820105 ou pódese solicitar no correo pilar.pazo@moeche,gal
Fichas de inscrición
Escolas infantís deportivas: tenis, atletismo, xadrez patinaxe
Escolas culturais
Obradoiro de memoria : solicitude xeral.
Últimos comentarios