Ante a convocatoria de eleccións municipais para o vindeiro 28 de maio, domingo, e en cumprimento da Lei orgánica 5/1985 do Réxime electoral xeral, de 19 de xuño, o Censo electoral correspondente a este Concello permanecerá en exposición pública nas oficinas municipais entre o 9 e o 16 de abril, co obxectivo de que as persoas interesadas poidan comprobar os seus datos e, de consideralo, presentar as oportunas reclamacións.

Segundo os datos do Instituto Nacional de Estatística, o censo electoral de Moeche a día 1 de marzo é de 1069 persoas .  No termo municipal haberá catro mesas electorais: unha situada no local social do Pereiro, outra na Casa do Concello , no local social do Ventoeiro e no centro social de Abade.

É especialmente importante a comprobación dos datos por parte de todas as persoas pero, sobre todo, daquelas que realizasen non hai moito algunha modificación de datos persoais ou cambio de domicilio e as que cumpriron recentemente os 18 anos.

As persoas que estean fóra poden obter información no consulado correspondente  e na Delegación Provincial da Oficina do Censo Electoral.

A Oficina do Censo Electoral pon a disposición das persoas interesadas os seguintes teléfonos de  consulta:

981 217 439

981 217 426

901 101 900

As consultas e reclamacións poden presentarse nas oficinas municipais en horario de 8:30 a 14:30 h ou ben pódese facer con certificado dixital na web do INE.

Quen teña certificado dixital ou sinatura electrónica pode facer tanto a consulta como outros trámites en relación co proceso a través da web do INE. Ademais de presentar reclamacioóns, podese consultar a mesa e local que nos corresponde, os trámites para o voto por correo e mesmo solicitalo, ou a simple consulta de confirmación e, se é o caso, de corrección dos datos de inscrición.

Enlace para toda a  información na páxina do INE

Anuncio exposición pública do censo electoral