As consecuencias e restricións da situación sanitaria duraron e duran moito máis do que inicialmente podiamos pensar e, a día de hoxe, non se dan as condicións para recuperar a Feira do Cabalo tal e como a coñecemos. A Asociación Ecuestre 23 de Abril e o Concello de Moeche acordaron a non celebración da Feira do Cabalo neste ano 2021 xa que a situación e o nivel de restricións esixen que evitemos as aglomeracións de persoas, ademais da incerteza da evolución sanitaria nos próximos días.
O 23 de abril manterase como un día de feira normal e desde o Concello reforzaranse as medidas preventivas ante a posibilidade dunha maior afluencia de xente. Con este obxectivo mantívose esta semana unha xuntanza entre o Concello, a Asociación Ecuestre 23 de Abril e a Garda Civil.
Emitirase un bando para informar ao conxunto da veciñanza da suspensión da Feira do Cabalo e o mantemento do día de feira. Así mesmo, o Concello solicitou hai uns dias a colaboración de membros de Protección de Civil do Concello de Neda – que xa están a axudar nas últimas feiras- e do Concello de Valdoviño.
A Garda Civil establecerá un dispositivo extraordinario de seguridade para garantir o cumprimento das normas sanitarias e o bo desenvolvemento do vindeiro 23 sen Feira do Cabalo.
Desde o Concello comunícase que, co fin de evitar aglomeracións non estará autorizado o acceso dos cabalos á nave do gado e, dado que se suspende a Feira do Cabalo, non se habilitarán espazos extraordinarios.
Lembrase a importancia e obrigación de respectar as normas sanitarias e as medidas que o nivel de restricións da actual situación sanitaria esixen , tanto na visita á propia feira como aos establecementos de hostalaría.
Últimos comentarios