A película A praia dos afogados  será o filme que se proxectará o sábado 30 de setembro,na nave dos tecidos, ás 21.00 horas, dentro do programa Noites de Cine, da Rede Cultural da Deputación da Coruña.

Esta é a segunda proxección das tres solicitados no programa este ano polo concello de Moeche; no verán foi o filme Atrapa la bandera, na Área recreativa, e xa no  mes de novembro, poderemos ver o filme infantil Maimiño.

A praia dos afogados é un filme galego de drama e suspense adaptación da obra literaria A praia dos afogados de Domingo Villar. Foi estreado en outubro de 2015.

Sipnose: unha mañá, o cadáver dun mariñeiro é arrastrado pola marea ata a costa. Se non tivese as mans atadas ás costas, Xusto Castelo sería outro dos fillos do mar que atopou a morte entre as augas mentres faenaba. Sen testemuñas nin pistas da embarcación do finado, o lacónico inspector Leo Caldas mergullarase no ambiente mariñeiro da vila, tratando de poñer en claro o crime.