Novo curso das Escolas municipais deportivas e culturais

Escolas municipais culturais e deportivas
Ás portas do outono, o Concello de Moeche pon en marcha as escolas municipais, que regresan á actividade cunha chea de propostas deportivas e culturais para todas as idades.

Escolas deportivas
O prazo de inscrición estará aberto desde o 1 de outubro a través da Sede Electrónica ou presencialmente na Casa do Concello en horario de 9:00 a 14:00h de luns a venres. As escolas irán comezando na semana do 6.
Até o mes de maio poderemos practicar exercicios de mantemento suaves ou aplicarnos máis a fondo con pilates, spinning ou circuítos de forza. Ademais, para a xente miúda e a mocidade regresan as actividades gratuítas dirixidas principalmente ao alumnado do CEIP San Ramón, como son a patinaxe, o xadrez e o atletismo.
Para que as escolas vaian adiante farán falla grupos mínimos e os horarios poden variar dependendo da demanda. As prazas dispoñibles, que son limitadas, irán asignándose por orde de petición dándolle prioridade á veciñanza de Moeche e a aquelas persoas que asistisen ao curso completo na temporada 2024/2025.
As actividades extraescolares deportivas para a rapazada serán de balde, mentres que as das persoas adultas rexeranse polos prezos públicos marcados na ordenanza reguladora nº 16.

Actividades deportivas para persoas adultas	N.º de prazas	Días	Horarios	Lugar
Exercicio saudable Maiores+	15	Luns, martes e xoves	17:10 a 18:00h	Local social Abade
Exercicio saudable Maiores+	15	Luns, martes e xoves	18:10 a 19:00h	Pavillón Municipal
Pilates	15	Mércores e venres	10:00 a 11:00h	Local social Abade
		Martes	20:10 a 21:00h	Pavillón municipal
		Luns e xoves	19:10 a 20:00h
Adestramento funcional (circuítos de forza, aeróbicos, core…)	15	Martes	19:10 a 20:00h
Spinning	12	Luns e xoves	20:10 a 21:00h

Actividades deportivas para a rapazada	N.º de prazas	Días	Horarios	Lugar
Patinaxe (4 a 8 anos)	15	Martes	15:30 a 16:45h	CEIP San Ramón Pavillón Municipal
Patinaxe (9 a 12 anos)	15	Xoves	15:30 a 16:45h
Atletismo (5 a 12 anos)	15	Luns	15:30 a 16:45h
Xadrez (9 a 12 anos)	10	Martes	15:30h a 16:45h
Xadrez (5 a 8 anos)	10	Xoves	15:30h a 16:45h

Escolas culturais
O Concello de Moeche tamén promove a actividade de teatro dirixida por Pepablo Patiño, para adultos e para menores – con idades comprendidas entre os 6 e os 12 anos-.
Así mesmo, a oferts inclúe o ben acollido Obradoiro de memoria, da man da traballadora municpal Pilar Pazo, os venres pola tarde
Para levar adiante as actividades farán falla grupos mínimos de unhas 8 ou 10 persoas de cara a soster as actividades durante todo o curso. Pode ampliarse información no correo pilar.pazo@moeche.gal. Velaí os horarios previstos, suxeitos a variacións dependendo da demanda:

Actividade	Día	Hora	Lugar	Prezo
Teatro persoas adultas	Xoves	20:00 a 22:00h	Centro Cultural Frco. Piñeiro (Abade)	12€*
Teatro infantil (6 a 12 anos)	Xoves	15.45 a 16.45h	CEIP San Ramón	10€
Obradoiro de memoria (+60 anos)	Venres	16:00 a 19:00h	Casa do Concello	Gratuíto

*De acordo coa ordenanza municipal reguladora de actividades culturais, establécese unha matrícula para o teatro de adultos por importe de 50% dunha mensualidade, do 45% no caso de matrícula en dúas actividades e do 30%, no caso de matrícula en tres actividades.

As inscricións nas escolas culturais poderán facerse a partir do 24 de setembro a través da Sede Electrónica (cubrindo os formularios que se poden descargar da web municipal) ou presencialmente na Casa do Concello en horario de 9:00 a 14:00h de luns a venres.

Fichas de inscrición