O Goberno municipal presentou en Pleno a proposta de distribución do importe da 2ª fase do POS+ complementario – Deputación da Coruña- 194.279,40, que se destinará á adquisición de dous vehículos para o Departamento de Servizos e Obras,- 65.000,00€- e a cantidade restante 129.279,40€ a sufragar o gasto corrente (luz, auga, saneamento , accesos a núcleos, limpeza de edificios, residuos, etc). O total do POS* Complementario 2026 destinado para Moeche pola Área de Plans da Deputación da Coruña, ascende a 275.847,99€, e inclúense tamén os investimentos que permitirán levar a rede auga ata o lugar da Corveira e a nova iluminación, para aforro enerxético, no campo municipal de fúbtol.
O Goberno municipal destinará o importe da 2ª fase do POS+ complementario – Deputación da Coruña- 194.279,40€:
- adquisición de dous vehículos para o Departamento de Servizos e Obras,- 65.000,00€-
- sufragar o gasto corrente (luz, auga, saneamento , accesos a núcleos, limpeza de edificios, residuos, etc) -129.279,40€ .
A proposta do Goberno municipal foi aprobada este pasado xoves 17 polo Pleno en sesión extraordinaria.. Aprobouse o proxecto de adquisición de dous vehículos, unha vehículo con caixa de carga basculante e unha furgoneta, para apoio aos labores de roza e limpeza e traslado de material e servizos xerais das competencias propias do Concellos. Unha vez transcorrido os prazos de aprobación e exposición por parte da Deputación da Coruña, o Concello poderá proceder á súa licitación.
A cantidade restante 129,279,40 € acordouse destinala a sufragar o gasto corrente municipal, que inclúe o groso do gasto fixo dun concello: combustible, luz pública e de edificios municipais, mantemento maquinaria e vehículos, mantemento de accesos a núcleos, mantemento da rede de saneamento, limpeza de edificios municipais e centro escolar, rede de abastecemento de auga, análises, etc.
O total do POS* Complementario 2026 destinado para Moeche pola Área de Plans da Deputación da Coruña, ascende a 275.847,99€ . Ademais do gasto corrente e a adquisición dos dous vehículos, incluíronse os proxectos presentados inicialmente, que estaban á espera de confirmación do financiamento tras a correspondente incorporación de remanente na Deputación da Coruña: Nova rede de abastecemento no lugar de Corveira (San Xoán) a Reforma de instalación de iluminación exterior no campo municipal de fútbol, proxectos que serán licitados en breve xa que foron confirmados recentemente.
Últimos comentarios