Desde hoxe a veciñanza de Moeche poderá tramitar no propio Concello, une necesidade de trasladarse á Coruña ou a Ferrol, o cambio de domicilio no Rexistro de Condutores da DXT así como o Cambio de domicilio de vehículo/s no Rexistro de Vehículos da DXT, Son trámites de carácter obrigatorio , o primeiro para efectos de notificacións sobre trámites relativos ao permiso de condución e o segundo para efectos do imposto municipal de circulación, xa que o domicilio do vehículo determina o concello en que se deberá pagar cada ano o Imposto de Vehículos de Tracción Mecánica.
A alcaldesa, Beatriz Bascoy Maceiras , e a xefa provincial da Xefatura Provincial de Tráfico da Coruña, Mª Victoria Gómez Dobarro, asinaron esta mañá na Casa do Concello o Protocolo de actuación para aplicar o Convenio DXT-FEMP sobre cambio de domicilio nos rexistros da Dirección Xeral de Tráfico.
Os dous trámites son de balde para a veciñanza, que poderá realizar un ou os dous, riscando o cadro ou cadros correspondentes da solicitude.
Así mesmo, no transcurso da reunión para a citada sinatura, a xefa provincial ofreceu o desenvolvemento de actividades de educación viaria tanto para persoas maiores como para os máis novos. Nos vindeiros días contactarán de novo as dúas institucións para concretar e organizar xa en breve unha actividade de educación viaria para a 3º idade.
Últimos comentarios