A escola
Educación
A área de Educación, xunto coa de Benestar Social, interprétase no Concello como os dous puntos fundamentais para o presente e o futuro de Moeche.
O Concello, ademais de atender as competencias que establece a lei en canto ao mantemento da escola, colabora coa comunidade educativa na organización de actividades deportivas e culturais que axuden á formación da rapazada. Unhas son actividades permanentes, como as denominadas actividades extraescolares, e outras soen enmarcarse en datas concretas como o Día de Rosalía de Castro, Letras Galegas, Día da Non Violencia de Xénero, Entroido, Samaín, obradoiros de educación viaria, etc.
CEIP San Ramón
escola-07
escola-06
escola-05
escola-04
escola-03
escola-02
escola-01
O CEIP San Ramón é o centro de ensino público no noso concello no que se poden cursar todos os niveis de educación infantil e educación primaria. Conta con servizo de transporte gratuíto e comedor con cociña propia. Está situado en San Ramón, localidade da parroquia de San Xoán.
Comeza a funcionar como Escola Comarcal Mixta en 1972, acollendo a rapazada das escolas do Concello, que se corresponden coas parroquias de Abade, Labacengos, San Xoán, San Xurxo e Santa Cruz. Era un centro de 8 unidades, con 8 mestres/as, onde había un director, un secretario e unha mestra encargada do comedor. As instalacións do centro, construído entre os anos 1971 e 1972, sufriron unha reforma no curso 1990/91.
Dispón dunha zona destinada a aulas, outra á cociña e comedor e unha terceira onde se sitúa o patio cuberto, na que se encontran a biblioteca, a sala de informática e o laboratorio. Entre estas dúas últimas zonas está o ximasio. Ademais das instalacións escolares, ten ao seu servizo en horario lectivo o pavillón polideportivo. Os exteriores foron reformados polo Concello recentemente no 2017, tanto o patio de xogos infantís como a zona polideportiva.
Contacto:
CEIP SAN RAMÓN, Estrada da feira S/N – CP 15563
Teléfono: 881 930 329
Correo electrónico: ceip.sanramon.moeche@edu.xunta.es
Pódense consultar as actividades da escola no seguinte enlace
ANPA do CEIP San Ramón
A Asociación de Nais e Pais de Alumnos do CEIP San Ramón de Moeche conta xa con máis de 35 anos de existencia. É unha asociación na que participaron e participan pais e nais e que se converte nun espazo para colaborar de forma activa na educación escolar dos nosos fillos e fillas e fomentar a comunicación de pais e nais coa escola e entre nós mesmos.
Queremos convidarvos e animarvos a todos a participar nesta asociación para o que explicamos brevemente algúns dos seus obxectivos:
- Procurar que os nenos completen a súa formación con actividades extraescolares.
- Colaborar coa Dirección e co claustro do profesorado para procurar un mellor funcionamento da escola.
- Participar no Consello Escolar levando as propostas que presentan os pais e nais.
- Representar e apoiar onde fose necesario a calquera pai ou nai que o solicite.
- Velar para que as administracións implicadas na educación cumpren coas súas responsabilidades legais respecto da escola e do seu alumnado.
- Organizar actividades complementarias e educativas
Desde o ano 2016 asínase un convenio anual para axudar económicamente ao desenvolvemento das súas actividades.
https://www.facebook.com/ANPA-CEIP-San-Ram%C3%B3n-Moeche-329851063763288/
Bolsas de axuda á formación e ao transporte
A colaboración municipal no mantemento do CEIP e nos programas educativos complétase coa convocatoria das bolsas para estudos dirixidas á educación infantil, primaria, secundaria, bacharelato, ciclos formativos e ensino universitario. Todos os anos se convoca esta liña de axudas, con duas seccións, unha para os estudos dirixida a todos os niveis de ensino e outra, para o transporte dirixida aos estudos non obligatorios.
Axudas curso 2016-2017
https://bop.dicoruna.es/bopportal/publicado/2016/11/07/2016_0000009140.pdf
http://www.concellodemoeche.com/sp/actualidade/detalle.php?id=646