Participación infantil

MOECHE: CONCELLO AMIGO DA INFANCIA

Moeche comezou a dar os primeiros pasos cara á participación infantil na vida municipal en novembro de 2016 a raíz da visita do alumnado do CEIP San Ramón, por proposta de UNICEF Galicia a través do seu representante Diego Rodríguez. O resultado daquela visita foi tan significativo para o desenvolvemento da xestión do Goberno local en asuntos que afectan directamente aos menores que evidenciou a necesidade de impulsarmos o proceso de participación infantil e sentarmos as bases para que acadase carácter permanente na vida municipal.

PLENOS INFANTÍS

Moeche é un Concello Amigo da Infancia – O proceso Un Concello Amigo da Infancia é calquera cidade, vila, aldea, comunidade ou sistema de goberno local comprometido co cumprimento dos dereitos das nenas, dos nenos e das persoas adolescentes de conformidade coa Convención sobre os Dereitos da Infancia. Debe converterse nun concello onde as necesidades, as prioridades e os dereitos das nenas e dos nenos constitúan un dos eixos das políticas, dos programas e das decisións públicas. Os gobernos locais identifican una serie de metas para acadaren no ámbito dos cinco obxectivos marco da iniciativa: As voces, necesidades e prioridades de cada neno e nena escóitanse e considéranse nas normativas e políticas públicas, nos orzamentos e en todas as decisións que lles afectan. • Cada neno e nena é valorado, tratado e respectado xustamente dentro da súa comunidade. • Todos os nenos e nenas teñen acceso a servizos esenciais de calidade. • Todas as nenas e nenos teñen a oportunidade de gozar da vida familiar, do xogo e do lecer. O programa Concellos Amigos da Infancia é unha iniciativa liderado por UNICEF en máis de 30 países, incluído España, que apoia aos Gobernos municipais nos seus esforzos por facer realidade o seu compromiso cos dereitos de infancia. En agosto de 2017 o pleno municipal acordou adherirse ao selo de UNICEF e dous meses despois aprobouse a configuración que tería o Consello Local da Infancia e a Adolescencia -CLIA- e maila Mesa de Coordinación Interna de Participación Infantil, encargada de estruturar a participación e de levar ao papel tanto a diagnose da situación de partida como o plan de actuacións, nutrido en boa parte polas achegas expresadas nos plenos polos nenos e nenas. O 7 de maio de 2018 presentou a súa candidatura e o 26 de outubro do mesmo ano, coñeceuse a decisión de UNICEF Comité Español e outras entidades responsables -Ministerio de Sanidade, Consumo e Benestar Social, FEMP e o Instituto Universitario de Necesidades e Dereitos da Infancia e a Adolescencia- de elixir a candidatura de Moeche como unha das Cidades Amigas da Infancia. Un mes máis tarde, Moeche recibía nun acto na cidade de Oviedo o distintivo de “Cidade Amiga da Infancia”.

Documentos de traballo da candidatura:

Renovación selo da infancia. Documentos de traballo:

Consello Local da Infancia e Adolescencia (CLIA)

En  novembro de 2017 o Concello de Moeche aprobou en sesión plenaria a constitución do seu Consello Local da Infancia e Adolescencia, o primeiro órgano municipal de participación infantil.  Durante o ano 2018 púxose en marcha coa incorporación dos diferentes membros.

O Grupo de Participación da Infancia e a Adolescencia – GPIA

O GPIA está constituído, como mínimo, polos nenos e nenas e adolescentes que forman parte do Consello Local da Infancia e Adolescencia.  A este grupo pódense sumar todos os menores de 8 a 17 anos (menores de 18) que residan no Concello de Moeche.

AS REUNIÓNS DO GPIA

    • Reunión de 29 de setembro de 2018
    • Reunión de 27 de outubro de 2018
    • Reunión do 5 de novembro de 2018
    • Reunión do 1 de decembro de 2018
    • Reunión do 23 de febreiro de 2019
    • Reunión do 6 de abril de 2019
    • Reunión do 21 de setembro de 2019
    • Reunión do 26 de outubro de 2019
    • Reunión do 9 de novembro de 2019
    • Reunión do 14 de decembro de 2019
    • Reunión do 25 de xaneiro de 2020
    • Reunión do 29 de febreiro de 2020. Acto Conmemoración Rosalía- O galego rebélase
    • Reunión do 24 de abril de 2020 (telemática)
    • Reunión do 29 de abril de 2020 (telemática)

Os proxecto estrela durante a pandemia: O circuíto modestino

A rapazada do Consello Local da Infancia e Adolescencia achegou, na primavera de 2021, a proposta ao Concello da creación dun circuíto de Educación Viaria no recinto feiral de San Ramón.

Este foi o proxecto máis grande que levaron adiante ata o de agora, botou a andar a comezos do 2021, e aló polo mes de marzo O Consello Local da Infancia e a Adolescencia convocou unha xuntanza coa alcaldesa e a concelleira responsable de Infancia e Mocidade para presentar o proxecto no que levaban traballando desde principios de ano, centrado na educación viaria. A sua idea foi a posta en marcha dun circuíto temporal no recinto da feira de San Ramón no que a rapazada poida aprender a desenvolverse con seguridade na vía pública, poñéndose tanto no lugar de quen conduce un vehículo e como no de quen transita polas beirarrúas e os pasos peonís. Para iso a proposta contemplaba unha parte formativa ofrecida por adultos -normas de circulación, sinais, precaucións…- pero tamén a sinalización horizontal e vertical e vehículos para que a experiencia sexa o máis próxima á realidade.

Despois de semanas traballando nesta iniciativa, as nenas e nenos do CLIA definiron máis ou menos as liñas mestras, e a petición para o Concello foi que colaborase facéndose co material necesario -principalmente a sinalización e os coches- e botando unha man na coordinación, da que se encargaría a propia rapazada. O deseño e pintado levárono a cabo con axuda de membros da maioría de entidades veciñais e sociais do municipio, das familias e tamén contaron con Pedro Caneiro, un dos policías locais que se encarga da educación viaria no Concello de Narón.

Alén da sinalización horizontal e vertical, o Circuíto Modestino -ese é o nome elixido polos pequenos, que tamén deseñaron o logo- dispón de cascos, chalecos reflectores e un par de karts de pedais mercados polo Concello para completar a experiencia neste novo equipamento, pensado como espazo de lecer e lugar para a concienciación das nenas e nenos como peóns responsables e futuras condutoras seguras. E ademais dos vehículos comprados polo Concello, outros en bo estado foron doazóns de veciños grazas á campaña “Recobici” organizada polo Consello Local da Infancia e a Adolescencia e o consistorio para a recollida de bicicletas, triciclos, patíns, karts e calquera vehículo que se atope en bo estado, para incrementar o parque móbil dispoñible.

Hoxe a rapazada continúa a traballar na xestión e dinamización do circuíto, con diferentes actividades, a máis recente, unha xornada de presentación á que chamaron “Compartindo no circuito modestino” o venres 16 de xuño de 2023 e na que estiveron convidadas as escolas de Moeche, Cerdido e Somozas. Unha xornada na que a rapazada, acompañada de algún dos seus titores, puido gozar dunha xornada ben completa. Ao chegar, foron divididos en 3 grupos nos que compartían nenas e nenos de diferentes idades e centros educativos.

O primeiro grupo comezaba polo circuíto cunha clase ben completa de educación viaria na que contaron co apoio de Pedro e Sonia da Policía Local de Narón. Ademais de aprender sobre normas de tráfico e sinalización nos karts e bicicletas, tiveron oportunidade de comprobar os perigos do consumo de alcol, a través dunhas gafas que simulaban os efectos dunha taxa media e alta de alcolemia mentres lles tocaba sortear diferentes obstáculos. O segundo grupo debía unirse a Daniel Feijoo, técnico de deportes do concello, que lles tiña preparados diferentes e divertidos xogos nos que auga foi a protagonista. E para o terceiro grupo, Tania Merelas -técnica dinamizadora do GPIA- tiña preparada na mave do mercado unha actividade, na que a través dun xogo de pistas, as nenas e nenos descubriron mulleres destacadas do mundo deportivo, centrándose no eido do motor e do ciclismo. Deste xeito os 3 grupos foron rotando e participaron en todas as actividades.
E para rematar esta xornada de festa, tiveron un peche cheo de risas coa actuación de Peter Punk, que fixo pasar un bo rato a grandes e pequenos co seu espectáculo de humor e clown, CHUNGO QUE TE CAGAS!
O noso agradecemento ao profesorado e alumnado dos CEIP San Ramón de (Moeche), CEIP A Barqueira (Cerdido) e CEIP O Marbán (As Somozas) pola sua boa disposición e colaboración nesta proposta. Ao persoal técnico e traballadores municipais polo seu traballo. E agradecemento especial ao Concello de Narón e nomeadamente a Pedro Caneiro e Sonia López, membros da Policía Local.

Participación infantil e crise do COVID-19

A rapazada do Consello Local da Infancia e Adolescencia segue traballando, o 24 de abril mantiveron a primeira reunión telemática coa dinamizadora de Arabías Coop, que os acompaña nas reunións presenciais que fixeron nos últimos meses, para preparar a súa contribución nesta situación en que vivimos. Nos primeiros minutos da xuntanza uniuse a alcaldesa para agradecerlles o seu traballo e saber como levan o confinamento.

Con estes encontros telemáticos procuran seguir co seu traballo grupal durante o tempo que duren as restriccións. Neles reflexionan sobre a situación que estamos a vivir, informanse e comparten as súas sensacións e pensamentos.

E aquí tedes o resultado do seu traballo, primeiro coa publicación hai dúas semanas dun vídeo explicativo sobre a COVID-19 no que abordan -e bordan- a información sobre o virus e a enfermidade que causa, con mención detallada das medidas de obrigado cumprimento que seguen activas para evitar o seu avance: manter a distancia de seguridade, non saír da casa se se teñen síntomas, tusir ou esbirrar contra panos desbotables, non tocar os ollos, a boca ou o nariz, etc. A peza leva de banda sonora o “Tempestades de sal” da cantautora Sés e montouse coas achegas de Ainhoa, Anxo, Érika, Zeltia, Sandra, Marta, Leti, Carlos, Antón, Émily, Adrián, Elías e Carme, quen mandan mensaxes de responsabilidade e, sobre todo, de esperanza e ánimo para toda a xente de Moeche.

Agora soben un segundo vídeo e inician unha campaña en redes sociais, coa que queren compartir de que maneira se entretiveron e aínda se entreteñen na casa durante o Estado de Alarma. Ler, andar na bici, xogar á “Play”, pintar, cociñar, facer doces… son algunhas das cousas que se mostran na montaxe. “Coidámonos divertíndonos e aproveitando estes momentos para facer o que nos gusta”, empeza dicindo o vídeo mentres que, ao remate, se convida a toda a veciñanza de Moeche -principalmente a rapazada- a que comparta os seus propios vídeos co pechacancelas #DivírtomeNaCasa.

UNICEF GALICIA – ACTUALIDADE

En UNICEF seguen traballando durante esta crise para manternos informados a través do seu blog e a páxina web. Deixámosvos os enlaces a algunha das publicacións que vos poden ser de interese e animámosvos a consultar todas as súas publicacións.

Última actualización 7.07.2020
Os nenos, nenas e adolescentes galegos tamén teñen moito que dicir de cara á próxima lexislatura. Desde os consellos locais de participación lanzan as súas propostas para o #12X. Eles son #AVozDaInfanciaGalega

Ademais deste vídeo, desde UNICEF, publican un documento con 35 proposta políticas para Galicia que achegaron a tódalas formacións políticas.

DESCARGAR O DOCUMENTO

Última actualización 27.06.2020
Os nenos e nenas necesitan actividades de verán
Os nenos e nenas necesitan un verán no que se vele polos seus dereitos e se atenda á súa protección, alimentación saudable, socialización e participación. Pero todo son dúbidas : que vai a suceder coas actividades de lecer e recreación estivais? Como lograr o equilibrio entre o cumprimento das medidas sanitarias e de prevención e o benestar da infancia? Recollemos opinións de diferentes ámbitos de intervención  https://ciudadesamigas.org/covidunder19-encuesta-coronavirus/

#CovidUnder19: únete á enquisa global sobre a infancia na pandemia
#CovidUnder19 é un proceso participativo protagonizado pola infancia cuxo obxectivo é recompilar información sobre como nenos e nenas de todo o mundo están a vivir a pandemia da COVID-19 e involucralos na resposta. A enquisa está aberta do 18 de xuño ao 18 de xullo de 2020, e podes respondela a través de Facebook Messenger ou Whatsapp (+66 800 249 442) https://ciudadesamigas.org/covidunder19-encuesta-coronavirus/

Última actualización 14.05.2020
Guía para crear conciencia e tomar acción fronte ao COVID-19 https://ciudadesamigas.org/documentos/guia-tomar-accion-covid19/
A linguaxe adaptada á infancia: Pautas e recomendación para a saída á rúa de nenos e nenas https://ciudadesamigas.org/documentos/covid19-pautas-y-recomendaciones-para-la-salida-a-la-calle-de-ninos-y-ninas/
“[…] Moitas cousas cambiaron drasticamente para nenos, nenas e adolescentes coa chegada do novo coronavirus. A súa rutina, o xogo ao aire libre, os espazos de educación, o contacto cos seus compañeiros e familia… Para moitos deles trátase dun cambio crucial: os seus dereitos poden verse ameazados neste novo escenario onde o que prima é vencer á pandemia https://ciudadesamigas.org/covid19-recomendaciones/

“O medo é unha emoción moi pouco valorada. Pero como toda emoción, é útil. Permítenos protexernos e defendernos. E o mesmo pasa coa rabia. Ante esta situación, sexamos conscientes das nosas emocións, identificándoas e compartíndoas. Máis que nunca, agora é importante facer equipo, cos nosos compañeiros e cos propios rapaces e rapazas aos que atendemos. E permitámonos coidar, tamén de forma consciente, de nós mesmos.” https://www.unicef.es/blog-proteccion/vivir-el-miedo-pautas-de-autocuidado
Regularmente van actualizando os contidos na web www.unicef.es/educa onde podedes atopar máis información.

Sección de novas 

O Concello aproba a convocatoria de axudas ao ensino 2024 con subas en varios tramos

O Boletín Oficial da Provincia deste luns 15 de xaneiro publicou as bases das axudas municipais para  gastos de estudo e desprazamentos do alumnado de Moeche. O importe total que se distribuirá entre as solicitudes que cumpran os requisitos ascende a 15.000 euros....

O Concello inviste arredor de 5.000 euros en distintas melloras no CEIP San Ramón

Aproveitando o parón escolar do Nadal, o Concello de Moeche está levando a cabo varias obras no CEIP San Ramón, co obxectivo de mellorar as condicións en que se desenvolven as actividades educativas. Así, dentro do plan de conservación das instalacións, o consistorio...

Os Reis encherán de ilusión a nave do Mercado na tarde deste mércores

O Papá Noel e o Apalpador son figuras destas festas que a rapazada agarda con moita ansia. Pero os Reis Magos son o top. Baltasar, Gaspar e Melchor levan séculos xogando na primeira división das ilusións infantís, colmando as nenas e nenos -e tamén ás persoas adultas-...

13 nenas e nenos participan no Campamento Deportivo de Nadal

O pavillón municipal é durante esta semana un rebumbio constante. Fútbol sala, tiro con arco, xogos cooperativos, escalada e outras actividades encherán até o venres as mañás das 13 nenas e nenos inscritos no Campamento Deportivo de Nadal, unha proposta a medio camiño...

O Concello volve organizar o Campamento Deportivo de Nadal nos días centrais das festas

O Concello volve organizar o Campamento Deportivo de Nadal nos días centrais das festas Alén do mercado e da visita real, en Moeche haberá máis oferta de lecer para as nenas e nenos. De feito, a Concellería de Deportes volverá organizar o Campamento Deportivo de Nadal...

Lemas contra a violencia machista na xornada central do 25N

Moeche programou varias actividades con motivo do Día Internacional da Eliminación da Violencia contra a Muller que se celebra este sábado. O acto central terá lugar precisamente ese día, coa lectura no Mercado -a partir das 11:30h- de textos a prol da igualdade e do...

Intensa actividade do CLIA de Moeche arredor do Día Internacional da Infancia

O Consello Local da Infancia e a Adolescencia de Moeche ten cuberta durante este mes de novembro e parte de decembro unha intensa e apretada axenda de actividades, centradas por unha banda na asistencia a distintos foros para compartir coñecemento e experiencia e, por...

Comeza o novo curso escolar 2023/24

O CEIP San Ramón recibíu hoxe ao alumnado para darlle comezo ao novo curso. Nas semanas previas o Concello encargouse de desenvolver distintas tarefas de mantemento e mellora das instalacións co obxectivo de poñelas a punto para o inicio dun novo curso. Os traballos...

Moeche, San Sadurniño e Narón solicítanlle á Xunta unha solución “urxente e definitiva” para o transporte do alumnado de Bacharelato

A piques de comezar un novo ano académico, o transporte para a rapazada de Bacharelato de Moeche, San Sadurniño e Doso (Narón), -que ten como centro de referencia o IES Fernando Esquío de Neda- segue sen arranxarse. O ano pasado, trala presión das ANPAs e dos...

Cubertas todas as prazas na primeira quenda do campamento Sementeira

O próximo día 3 comeza unha nova edición do campamento Sementeira, que rematará o 31 de agosto. Na primeira quenda, a do mes de xullo, hai 31 nenas e nenos inscritos con idades comprendidas entre os 3 e os 12 anos, na súa maioría alumnado do CEIP San Ramón ou ben con...

O Concello abre do 5 ao 20 de xuño o prazo de solicitude para o Sementeira

O Concello manterá aberto do 5 ao 20 de xuño o prazo de solicitude do campamento de conciliación Sementeira que se vai desenvolver durante os meses de xullo e agosto. Nel poderán anotarse nenas e nenos con idades entre os 3 e os 12 anos -con preferencia para o...

Aprobación definitiva da concesión das axudas ao estudo e desprazamento

O Concello de Moeche aprobou a concesión de 39 axudas en concepto de bolsas de estudo e axudas para desprazamento dun total de 43 peticións. As catro rexeitadas foi debido ao incumprimento das condicións estipuladas nas bases. A non presentación de alegacións permitiu...

As axudas para gastos escolares e transporte do Concello de Moeche poden solicitarse até o 14 de febreiro

O Boletín Oficial da Provincia deste martes 17 de xaneiro publica o anuncio do Concello de Moeche referido á apertura do prazo de solicitude das axudas municipais dirixidas a  colaborar coas familias nos gastos de estudo das súas fillas e fillos, así como nos...

Os Reis Magos iniciarán este martes en Moeche o seu percorrido pola comarca

Desde hai uns anos, Melchor, Gaspar e Baltasar sempre elixen Moeche para facer a súa primeira parada na comarca. Volverán, coma sempre, dous días antes das cabalgatas multitudinarias, con tempo de sobras para poder atender sen apuros todas as peticións e bos desexos...

Campamento deportivo de Nadal

Como xa se adiantou na programación xeral de Nadal, o Concello volve ofrecer un campamento para a rapazada de entre 4 e 12 anos que se desenvolverá de 10 a 14:00h os días 27, 28 e 29 de decembro no Pavillón Polideportivo Municipal.,como proposta a medio camiño entre o...

Moeche prepara un amplo programa polo 25N que se prolongará até a semana

O Concello de Moeche reforza durante estes días as mensaxes a prol da erradicación das violencias contra a muller coincidindo co 25 de Novembro, data sinalada polas Nacións Unidas para que en todos os Estados se faga unha chamada de atención sobre este problema que,...

A rapazada do CLIA demanda no Parlamento de Galicia maior compromiso político coa infancia e co rural

Unha representación do Consello Local da Infancia e a Adolescencia de Moeche participou esta mañá no X Foro de Participación Infantil promovido polo Parlamento de Galicia e Unicef, como evento previo á celebración do Día Mundial da Infancia do próximo domingo. Ao foro...

Durante esta semana desenvolveranse as asembleas participativas

Todas e todos somos parte activa no desenvolvemento do noso concello como territorio e todas e todos temos ideas para melloralo día a día. Con esa filosofía naceron hai varios anos as asembleas participativas, que se viron interrompidas polas restricións da pandemia....

Moeche, Narón e San Sadurniño demandan solucións para os problemas de transporte do alumnado de bacharelato ao instituto de Neda

Os concellos de Moeche, Narón e San Sadurniño veñen de cursar unha solicitude formal dirixida ao servizo de Inspección da Consellaría de Educación e á Xefatura territorial da Consellaría de Infraestruturas e Mobilidade co obxectivo de poder manter un encontro urxente...

A rapazada de Moeche aproba o segundo Plan da Infancia e a Adolescencia

O Consello Local da Infancia e Adolescencia reuniuse o pasado xoves na Casa do Concello para aprobar o II Plan da Infancia e Adolescencia do Concello de Moeche, que rexerá a acción municipal neste ámbito durante os próximos catro anos. O documento que recolle un...

O Concello aproba convenios con entidades municipais por 15.500 euros

Este pasado venres tivo lugar a sinatura do convenio coa Asociación Automobilística Moeche para a colaboración no VII Slálom Concello de Moeche, o primeiro dos aprobados na última sesión ordinaria da Xunta de Goberno. A alcaldesa, Beatriz Bascoy Maceiras, e a...

Sementeira comeza o 1 de xullo cun amplo e variado progama de actividades

O venres, 1 de xullo comeza unha nova edición do campamento Sementeira que rematará o 31 de agosto. Na primeira quenda, a do mes de xullo, son 26 nenas e nenos os inscritos, dende os 3 ata os 12 anos, deles 4 optaron pola quenda das 8.30 ás 14.00 horas. A maior parte...

O Campamento Sementeira oferta 30 prazas para aprender xogando durante o verán

O Concello manterá aberto do 10 ao 22 de xuño o prazo de solicitude do campamento de conciliación Sementeira que se vai desenvolver durante os meses de xullo e agosto. Nel poderán anotarse nenas e nenos con idades entre os 3 e os 12 anos -con preferencia para o...

O Concello abre as inscricións nas Escolas Deportivas de Verán

O Concello de Moeche ten aberto o prazo de inscrición na sétima edición da carreira popular, que percorrerá San Ramón e os seus arredores o próximo 18 de xuño. O evento -do que pode obterse máis información nesta ligazón- marca o inicio das actividades estivais...

Moeche súmase ao Programa Corresponsables da Federación Galega de Tenis

Moeche acolle o programa Corresponsables da Federación Galega de Tenis, tras a solicitude da Concellería de Deportes, Hoxe mesmo a Federación trasladoulle ao Concello a información definitiva para as inscricións e os horarios de desenvolvemento da actividade. Isto...

O Concello convida á rapazada a descubrir a figura de Florencio Delgado Gurriarán

O homenaxeado o 17 de Maio é, quizais, un dos persoeiros da nosa cultura menos coñecidos para o público en xeral de todos aqueles e aquelas a cantas se lles tén rendido tributo. Florencio Delgado Gurriarán (Vilamartín de Valdeorras, 1903 - Los Ángeles, 1987) foi un...

Convocadas as axudas para gastos en educación do ano 2022

O BOP deste 13 de abril publica o extracto da convocatoria das axudas en materia de educación do Concello de Moeche para o curso actual. O Concello reservou 15.000 euros para colaborar coas familias nos gastos de estudo das súas fillas e fillos correspondentes a este...

O Concello programa un campamento deportivo para as vacacións da rapazada na Semana Santa

Á volta duns días, a cativería virá para a casa gozar das vacacións da Semana Santa. O xoves 14 e o venres 15 serán festivos, pero...¿como lles enchemos o tempo o luns 11, o martes 12 e mércores 13 de abril?. A Concellaría de Deportes xa buscou unha solución,...

Unha charla desvelaranos este sábado como funciona o mercado eléctrico e como aforrar na factura da luz

O Centro Cultural Francisco Piñeiro, en Abade, acollerá este sábado 5 de febreiro a partir das 17:30h unha charla ben interesante na que se explicará como funciona o mercado eléctrico e cales son as alternativas que temos como consumidoras e consumidores para aforrar...

O Concello acondiciona o espazo para a radio escolar impulsada polo CEIP San Ramón

A rapazada e máis o profesorado do CEIP San Ramón non paran de argallar proxectos que sigan incrementando a xa de por si excelente calidade educativa do centro. A última idea na que andan traballando é a de volver poñer en marcha unha radio que lles permita deixar...