Ás portas do outono, o Concello de Moeche pon en marcha as distintas escolas municipais, que regresan á actividade cunha chea de propostas deportivas e culturais para todas as idades. O prazo de inscrición estará aberto desde o 3 de outubro a través da Sede Electrónica ou presencialmente na Casa do Concello en horario de 9:00 a 14:00h de luns a venres. As escolas irán comezando na semana do 9.
Nas escolas municipais deportivas poderemos practicar até o mes de maio exercicios de mantemento suaves ou aplicarnos máis a fondo con pilates, spinning ou circuítos de forza. Ademais, para a xente miúda e a mocidade regresan as actividades gratuítas dirixidas principalmente ao alumnado do CEIP San Ramón, como son a patinaxe, o tenis e o atletismo.
Para que as escolas vaian adiante farán falla grupos mínimos e os horarios poden variar dependendo da demanda. As prazas dispoñibles, que son limitadas, irán asignándose por orde de petición dándolle prioridade á veciñanza de Moeche e a aquelas persoas que asistisen ao curso completo na temporada 2022/2023.
As actividades extraescolares deportivas para a rapazada serán de balde, mentres que as das persoas adultas rexeranse polos prezos públicos marcados na ordenanza reguladora nº 16.
|
Actividades deportivas para persoas adultas |
Días |
Horarios |
Lugar |
| Exercicio saudable Maiores+ |
luns, martes e xoves |
17:00 a 17:50h |
Local social Abade |
|
18:10 a 19:00h |
Pavillón Municipal |
||
|
Pilates |
mércores e venres |
10:00 a 11:00h |
Local social de Abade |
|
luns e xoves |
19:10 a 20:00h |
Pavillón Municipal |
|
|
martes |
20:10 a 21:00h |
||
|
Adestramento funcional (circuítos de forza, aeróbicos, core…) |
martes |
19:10 a 20:00h |
|
|
Spinning |
luns e xoves |
20:10 a 21:00h |
|
Actividades deportivas para a rapazada |
Días |
Horarios |
Lugar |
|
Iniciación á patinaxe (4 a 7 anos) |
martes |
15:45 a 16:45h |
CEIP San Ramón / Pavillón Municipal |
|
Perfeccionamento patinaxe (8 a 12 anos) |
luns |
||
|
Atletismo (6 a 12 anos) |
xoves |
||
|
Iniciación ao tenis (5 a 8 anos) |
mércores |
||
|
Perfeccionamento tenis (9 a 16 anos) |
mércores |
17:00 a 17:50h |
Escolas municipais culturais con novidades
Ademais de escolas deportivas, o Concello de Moeche tamén promove a escola de teatro dirixida por Pepablo Patiño, que incorpora como novidade a formación dun grupo infantil con idades comprendidas entre os 6 e os 13 anos.
Outra novidade das escolas culturais é a iniciación ao baile tradicional, co obxectivo de aprender os puntos básicos de muiñeiras, jotas e outras coreografías habituais en foliadas. As sesións desenvolveranse o 2º e 4º sábado de cada mes ás 12:00h na Nave do Mercado.
Tanto para o teatro -de persoas adultas e de rapazada- como para o baile tamén farán falla grupos mínimos de unhas 8 ou 10 persoas de cara a soster as actividades durante todo o curso. Pode ampliarse información no correo pilar.pazo@moeche.gal. Velaí os horarios previstos, suxeitos a variacións dependendo da demanda:
|
Actividades culturais |
Días |
Horarios |
Lugar |
Prezo |
|
Teatro persoas adultas (+14 anos) |
xoves |
20:00 a 22:00h |
Centro Cultural Francisco Piñeiro (Abade) |
12€/mes |
|
Teatro infantil (6 a 13 anos) |
xoves |
18:00 a 19:30h |
12€/mes |
|
|
Iniciación ao baile tradicional (todas as idades) |
2º e 4º sábado de mes |
12:00h |
Nave do Mercado |
10€/mes |
As inscricións nas escolas culturais poderán facerse desde o 3 de outubro a través da Sede Electrónica ou presencialmente na Casa do Concello en horario de 9:00 a 14:00h de luns a venres. As peticións tamén se atenderán por orde de entrada das solicitudes.
Fichas de inscrición
Exercicio saudable Maiores+
Pilates
Adestramento funcional
Spinning
Escolas infantís deportivas
Teatro adult@s
Teatro infantil
Baile tradicional
Últimos comentarios