A piscina municipal de Souto Grande abre as súas portas o luns 22 de xuño e manterá a tempada ata o 6 de setembro, con horarios e prezos iguais aos do ano pasado.
Antes da apertura oficial, o sábado 20 de xuño a piscina estará reservada en exclusiva para a rapazada do CEIP San Ramón e as súas familias, que celebrarán a súa festa de fin de curso organizada pola ANPA en colaboración co Concello.
Horarios
| Luns a venres | Sábados, domingos e festivos | |
| Xuño | 16 a 21.00h | 14 a 21.00h |
| Xullo e agosto | 15h a 21.00h | 14 a 21.00h |
| Setembro | 16 a 20.00h | 14 a 20.00h |
Abonos de tempada
As persoas empadroadas en Moeche poderán tramitar o seu abono a partir do martes 9 de xuño, e as non empadroadas a partir do luns 15 de xuño. Os trámites poden realizarse presencialmente na Casa do Concello, de luns a venres de 9:00 a 14:00h, ou na sede electrónica moeche.gal, presentando os formularios para descargar ao final desta nova. As entradas para días soltos mercaranse directamente no ambigú da piscina.
Os prezos, mantéñense igual ca o ano anterior, do seguinte xeito:
| Cota de entrada pública | |
| Menores de 3 anos | gratis |
| Infantil (ata 12 anos) | 2,00€ |
| Entrada xeral (máis de 12 anos) | 3,00€ |
| Grupos de alumnado de educación infantil, primaria ou especial ou de campamentos de verán de fora da localidade (máis de 5 persoas) | 1,50€ |
| Abono de tempada | |
| Infantil (ata 12 anos) | 15,00€ |
| Persoas de máis de 12 anos | 30,50€ |
| Familiar (ata 4 persoas*) | 58,50€ |
| Familiar (a partir da 5ª persoa*) | 12,00€ |
* As persoas usuarias que integren o abono familiar deberán ter unha vinculación directa entre elas, por afinidade o consanguinidade de 3º grao (avós/as, pai/nai, fillos/as, irmá/a, tíos/as, sobriños/as, bisavós, bisnetos)
Descarga a documentación en formato pdf pinchando sobre o nome:
Para máis información podedes chamar ao Concello no tlf. 981 404 006 ou escribir a daniel.feijoo@moeche.gal
Últimos comentarios